موضوع: مشتركو صفحة “كلنا خالد سعيد” ينقلبون عليها الأحد يوليو 03, 2011 4:07 pm
حالة من الاستياء سيطرت على عدد كبير من مشتركي الصفحة الأشهر مصرياً على موقع الفيس بوك “كلنا خالد سعيد” بسبب تصريحاتهم المؤيدة للاحتجاجات التي يشهدها ميدان التحرير منذ مساء أمس الثلاثاء. ففي الساعات الأولى من تفجر الأزمة عبرت الصفحة عن موقفها قائلة: “قبل ما تلوم أي واحد من أسر الشهداء اللي ماتوا فكر كويس إن دول فقدوا أولادهم وشايفين المحاكمات بتتأجل شهر وشهرين وتلات شهور، اللي بيحصل دلوقتي في التحرير هو شيء مؤسف لكن متوقع بسبب المماطلة في محاسبة اللي أمروا بقتل 800 وأصابوا آلاف المصريين اللي نزلوا عشان حقهم وحقنا، الأهالي عايزين محاكمات عادلة وسريعة وبدون تأجيل لرؤوس النظام اللي تسببوا في قتل ولادهم”. هذا التصريح تسبب في موجة من الانتقادات تركزت ضد وائل غنيم، بالرغم من أن الصفحة يديرها أكثر من شخص، ومن بين هذه التعليقات الهجومية من وصف وائل على انه يشعل الفتنة وانه عميل ولا يفكر تفكيرا منطقيا، ومن أبرز هذه التعليقات: حسام الألفي: “سؤال واحد وصريح….. لما هما بيطالبوا بسرعة المحاكمة يبقي العيب على القضاء مش على الداخلية…ليه الاحتجاجات أمام مبني الداخلية؟؟؟؟”.
أشرف المورسي: “وانته بقى تتكتم خالص لاني بدأت اشك فيك اللى سقطوا فى الأحداث مش شهداء دول شويه بلطجيه عايزين يسقطوا البلد نفسها عايزين البلد تفضل مولعه عايزين فتن بينهم جواسيس لدول أعداء مفكرين البلد بتاعت أبوهم وطالعين يخربوا بينادوا بالباطل”. مها أدهم: “سخن سخن….امال انت فايدتك ايه…هو في حد هيقول كلمة على اسر الشهداء…اصلا لو حد ماتله اي حد مش شهيد ولا حاجة…الناس بتتاثر وتعيط مع اهله…عمال تسخن ليه مش فاهمة…حسبي الله ونعم الوكيل فيك”. مصطفى مجدي: ” الأدمن بيحاول إحراق مصر.. الكل يفوق علشان خاطر مصر”. وتستمر حالياً صفحة “كلنا خالد سعيد” في نشر تعليقات ومقاطع فيديو وصور توضح ان محتجي التحرير هم أسر الشهداء وتطالب بمعاقبة الشرطة على طريقة تعاملها الوحشية مع المحتجين. [b]وحسبي الله ونعم الوكيل فيه لو طلع فعلا كده وربنا يفضحه ويخليه عبره لأي حد[/b][b]يخون بلده ودينه [/b]
cuteღgirl ㋡ ●◦ξـضــــّـۅ ممــّيــّز ●◦
الجنس :
عدد المساهمات : 546 العمر : 27
موضوع: رد: مشتركو صفحة “كلنا خالد سعيد” ينقلبون عليها الأحد يوليو 03, 2011 10:24 pm
يعني انا شايفة من رأيي ان أسر الشهداء كان لازم يعملوا كدا فعلا ,,بس يمكن التظاهرات امام وزراة الداخلية بسبب عدم وجود الامن من جهه ومن جهه تانية لسة في فساد في الداخلية..يعني هما عايزين يشوفوا ان ولادهم ما راحوش هدر وان فعلا البلد بتنضف ..واشرف المرسي ده ازاي يقول مش شهداء دول بلطجية وعايزين أسر الشهداء يسكتوا لما يتقال علي ولادهم بلطجية لا دي بجد حاجة مستفزة لاي حد
موضوع: مشتركو صفحة “كلنا خالد سعيد” ينقلبون عليها 
الأحد يوليو 03, 2011 4:07 pm
