القوانين بتاعتنا احنا ياعم الحاج (وممنوع دخول ولاد ابو اسماعيل )

السلام عليكم ورحمة الله وبركاته

نبتدى كلامنا

مش هقول قوانين والتزام ومش عارف ايه والحاجات دى واعمل زعيم عليكوا

كلنا هنا واحد مفيش فرق بين مشرف وعضو ده بيعمل توبيك وده برضوه بيعمل توبيك

المهم بقى عايزين شغل من حديد مش اي موضوع منقول والسلام

احنا عايزين نكون زى دوا للمكتئبين والمضايقين والمخنوقين

عايزين اللى يدخل هنا يخرج والدموع فى عنيه من كتر الضحك

عايزه ينسى همه ويتبسط وهو فى وسطنا

عايزه اكتب يافطة ممنوع دخول مرضى القلب خوفنا على صحتك

وبرضو مش لازم اللى يدخل يكون مخنوق ممكن يكون عادى بس يدخل

ليه عشان يفرفش يشوفله نكته يضحك عليها يشوف صورة كده

بالنسبه بقى للتوبيكات لو احنا فكرنا هنطلع احسن من اللى منقول

المهم عايزه نفكر مع بعض ونبدع ونجيب افكار جديده ولذيذة نتبسط منها

عايز اللى يعمل توبيك يكون فكاهى وفى نفس الوقت فيه فكرة

بس اهم حاجة مش عايز توبيكات ضعيفة اوهايفة اومكررة

وبرضو الصور اللى عليها اسم موقع ويكون الاسم باين قوى

مش عايز حد يزعل لو توبيك ليه اتحذف هيكون اى سبب من دول

انا كده خلصت كلامى
وبالتوفيق لينا جميعا