عادة سيئة !!!!!!

عادة سيئة

عاوزة تعرفي إيه هي ؟؟

أقولك

كتير من البنات تلاقيها ماشية في الشارع مش بتبص لا يمين و لا شمال و ماشية بكل ثقة و إتزان

طب وهي دي عادة سيئة برضه ؟؟

لالالالالالا ، مانتي اصبري عليا

المشكلة في أن أختنا مظبطة لبسها و مكياجها و الكعب بتاع حذائها بالطريقة اللي تخليهم يلفتوا نظر طوب الأرض ليها و هي ماشية

فتلاقيها ماشية مش بتبص علي حد صحيح لكنها واثقة ان الكل باصص عليها و علي الجمال المتفجر الأنوثة اللي بيتحرك عالأرض

طيب بالله عليكي ، ليه كده ؟؟؟

ايه اللي هيحصل لو مشيتي علي الأرض هونا ؟؟

حاطة وشك في الأرض

مش ذل ولا خضوع

و إنما حياء و عفة و غض للبصر

كتير من البنات تحسي انها بتمشي في الشارع زي الصقر

تلاقيها بترفع عينيها زي ما تكون بتتحدي أي حد انه مش هيقدر يغمض عينيه عنها

روتانا فتنة ، مش هتقدر تغض بصرك

و أكبر من كده برضه لما تلاقيها ماشية في نص الشارع

و الخلق واقفة مرصوصة عاليمين و عالشمال بتتفرج علي الصاروخ الأرض أرض اللي بيمشي

و مشي النساء في نصف الشارع منهي عنه بنص حديث رسول الله صلي الله عليه وسلّم الذي يقول فيه

ليس لكنّ أن تحققن الطريق ، عليكن بحافات الطريق

يعني مش من الأدب و لا من الحياء ولا من العفاف ان الفتاة تمشي في نص الشارع

و انما الحياء و العفة للفتاة انها تمشي علي جانبي الشارع سدا للذريعة و أمانا للفتنة

يقوم محدش يحس بحركتها وسط الناس

و تمشي في سلام و أمان وهي محافظة علي جسمها من زنا النظر بيها و محافظة علي نظر الشباب من الوقوع عليها

بالله عليكي فكري شوفي هتاخدي ثواب كام شاب غض بصره عنك لما تتقي الله في لبسك و تبعدي عن مواطن لفت نظر الرجال إليك

أحد مشايخنا كان بيقول جملة حلوة جدا

لو إسلامك مظهرش في مشيتك ، تبقي انت قصرت في حقه

تخيلي ؟؟

طيب بالله عليكي قوليلي فين الإسلام في تلك المشية اللي كلها تكبر و إعجاب بالنفس و فتنة لخلق الله باللبس اللي لازم هيتبص عليه

هل بكده نشرتي الإسلام ؟؟

كل واحد منا ليه اسم عند ربنا

هل حاولتي تسألي نفسك ، يا تري أنا إسمي إيه عند ربنا ؟؟؟

انا ربنا بيناديني في الملأ الأعلي باسم إيه ؟؟؟

الصادقة ؟؟

العفيفة ؟؟

الطيبة ؟؟

و لا المتبرجة ؟؟

الفاتنة ؟؟؟

المائلة ؟؟؟

ختام كلامي يا اختي و بالله عليكي ما تزعلي مني

الأرض اللي انتي ماشية عليها دي هتشهد عليكي

خليها تشهدلك بالخير مش بالفتنة و التبرج و صوت الكعب العالي

و مافيش خلق في الدنيا يكرم البنت و يعلي قيمتها زي خلق الحياء